Исплашени кавадарчани побарале пожарникари да ги спасат од смок

Исплашени кавадарчани синоќа побарале помош од пожарникари да ги спасат од смок во строгиот центар на Кавадарци.

Информацијата за МИА ја потврдија од кавадаречката Територијална противпожарна единица. Оттаму нагласија дека покрај гаснење на пожари, спасување при сообраќајки, достава на вода со цистерни, им се случуваат и вакви несекојдневни повици за помош. Притоа потсетија дека имаат вадено баба која паднала во бунар, а се имаат и со скала качувано во стан од висока зграда, за преку отворена тераса да помогнат на сопственик чие дете се заклучило во станот и заспало.

– Мораме да нагласиме дека според нас, змиите и смоковите не напаѓаат ако не се загрозени. Затоа смокот не го отепавме, туку со пожарникарското возило го однесовме надвор од градот и го пуштивме, децидни се од противпожарната единица.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.