Скопјани повторно измамени на иста „шема“: Им нудат дрва по пониска цена, па им ги земаат парите за ништо

Веќе четврт случај во кој повозрасни жители се измамени на ист начин е пријавен вчера во скопската полиција. Вчера во 15.10 часот во полициската станица Аеродром, В.К. (65) од Скопје пријавила дека истиот ден околу 10.00 часот во с. Долно Лисиче непознат сторител и извршил измама во дворот од нејзината куќа.

Пред тоа и се јавил нејзиниот брат Р.В. и кажал дека запознал лице кој продавал дрва по поевтина цена. Таа се согласила да ги купи дрвата. После тоа, нејзиниот брат и непознатото лице дошле кај неа дома, но набргу заминале кон пругите кои водат кон населбата Драчево.

Откако пристигнале, непознатото лице му кажал на Р.В. да причека, а тој се вратил во куќата на неговата сестра и побарал 9 000 денари за да ги добие документите за дрва од Ј.П. „Македонски Шуми“. Таа му ги дала парите и тој заминал и не се вратил по што заклучила дека била измамена.

Се преземаат мерки за целосно расчистување на случајот.

(фото – илустрација)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.