Попладне дожд и грмежи, можна појава на град

Времето денеска ќе биде променливо облачно, а околу пладне и попладне нестабилно со пороен дожд и грмежи. Локално процесите се очекува да бидат поинтензивни во форма на невреме со интензивен пороен дожд, електрични празнења, засилен ветер и можна појава на град.

Утринската температура ќе се движи од седум до 15 степени, а дневната од 23 до 30 степени. УВ индексот ќе изнесува шест.

Во Скопје променливо облачно, а попладне нестабилно со пороен дожд и грмежи. Температурата ќе се движи од 12 до 29 степени.

Во наредните денови продолжува периодот на променливо облачно и нестабилно време со локален пороен дожд, грмежи и засилен ветер, особено во попладневните часови. Поизразена нестабилност ќе има и в недела, кога локално повторно ќе има појава на невреме со интензивен пороен дожд, електрични празнења, засилен ветер и можна појава на град.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.