Дачиќ: Извини Пленковиќ, не знам да ја пејам „Лили Марлен“

Српскиот министер за надворешни работи Ивица Дачиќ денеска „му се извини“ на хрватскиот премиер Андреј Пленковиќ, затоа што, како што рече, не знае да ја отпее песната „Лили Марлен“.

– Извини Пленковиќ, но јас не знам да ја испејам песната „Лили Марлен“, а ниту „За дом спремни“ на Томпсон. Вам, Хрватите, подобро ќе ви беше да се задржевте на шлагери, саркастично изјави Дачиќ во Индија, каде се наоѓа во официјална посета.

Како што јави дописникот на МИА од Белград, изјавата на Дачиќ претставува продолжување на српско-хрватската „дипломатско-вербална војна“, откако Пленковиќ вчера порача дека Хрватска е одговорна држава, која сака соработка со сите земји.

– Решително ја отфрламе негативната реторика која е скандалозна, во суштина од еден минстер за надворешни работи, кој е познат по тоа што е неуспешен шлагер пејач, изјави Пленковиќ, алудирајќи на Дачиќ.

Дачиќ претходно во изјава за Танјуг нагласи дека хрватскиот премиер „очигледно нема што друго да прави, па секојдневно ја напаѓа Србија, бидејќи му е потребен непријател за да го подобри својот рејтинг на анемичен политичар“.

– Хрватска денес е држава која е во кавга со речиси сите свои соседи, констатираше Дачиќ.

Дачиќ му запеа на увце на Коѕијас (видео)

Глумицата Јана Стојановска пее во дует со Ивица Дачиќ „Како ми недостајеш“ (видео)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.