Скомина многу се разочарал кога си ги видел грешките

Судијата кој му подари финале на Ливерпул Дамир Скомина многу се разочарал кога си ги видел грешките од вчерашниот меч меѓу Рома и Ливерпул.

На Рома и фалеше само еден гол за да го изедначи резултатот од Енфилд. Можеби резултатот на мечот ќе беше поинаков ако ги добиеја двата пенали кои требаше да им бидат досудени.

Прво на Един Џеко му беше свирен офсајд во моментот кога Кариус го сруши во шеснаесетникот, иако офсајд не постоеше. Втората спорна ситуација е кога Арнолд блокираше шут на Ел Шарави, топката одеше во голот, не само што требаше да биде досуден пенал, туку играчот на Ливерпул ќе добиеше и црвен картон.

Италијанскиот новинар, Танкреди Палмери открива дека Скомина бил многу разочаран откако си ги видел грешките.

„Судијата Скомина во соблекувалната по мечот беше крајно разочаран откако си ги сфати грешките, призна дека погрешил“, вели Палмери.

EXCLUSIVE: Referee Skomina after the game in the changing room felt destroyed after realising the mistakes, admitted he was wrong

— Tancredi Palmeri (@tancredipalmeri) May 2, 2018

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.