Двајца приведени на протестот во Белград поради „дофрлање на министерот“

Во Белград денеска се одржа протест на УГС Независност и Сојузот на самостојни синдикати на Србија под слоганот „Платите да станат, а младите да останат“. Неофицијално, двајца активисти кои дофрлале на министерот за труд Зоран Ѓорѓевиќ се приведени, а потоа пуштени.

Дека дошло до инцидент потврдуваат и од движењето “Да не го давиме Белград“ од каде соопштија дека меѓу приведените е и еден нивни активист, поради вербален напад на министерот за труд.

Синдикатите бараат поквалитетни и побезбедни работни места, сопирање на нетранспарентната распродажба на ресурсите, зголемување на заработката, независност на судството, борба против корупција, пристап до јавни информации, независни медиуми и измена на Законот за пензиско и инвалидско осигурување.

Сидикатите велат дека на протестот имало 5.000, додека официјалната бројка од полиција е 2.000.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.