АХВ: Интензивно се работи на исполнување на условите за извоз на свежо свинско месо

Македонија интензивно работи на добивање дозвола за извоз на свежо свинско месо во ЕУ.

Според директорот на Агенцијата за храна и ветеринарство (АХВ) Зоран Атанасов, за околу две години се очекува земјава да биде прогласена за слободна од свинска чума по што и ставена на листата за извоз.

– Почнаа активностите за проценка и зајакнување на биосигурноста на комерцијалните фарми за одгледување свињи. Првите резултати се солидни. Следува прекинување на вакцинацијата против класична свинска чума, а две години потоа и прогласување на Македонија како земја слободна од оваа болест со што практично ќе може нашето свежо свинско месо да се најде на пазарите низ светот, не само во ЕУ, вели директорот Атанасов за МИА.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.