Ципрас се фали дека сака решение, никој не гледа поместување на позициите на Атина

Грција по прв пат искрено се залагала за прифатливо решение за името. Грчкиот премиер Алексис Ципрас по денешната средба со претседателот на Европската Комисија Жан Клод Јункер, се пофали дека Грција по прв пат на толку решителен начин се обидувала да најде взаемно прифатливо решение за прашањето околу името, со гаранции дека ќе има конечно решение

– Ова го покажуваме, обидувајќи се, по прв пат, на толку решителен начин да најдеме заемно прифатливо решение во прашањето со името на поранешната југословенска Република Македонија со гаранции дека ова прашање ќе има конечно решение.

Вчера заврши новата рунда преговори за решение за името и не донесе ништо ново, кажа Ципрас.

Министрите за надворешни работи не се огласија по разговорите, кратка изјава даде само медијаторот Нимиц. На површина останаа цврстите ставови и црвените линии на двете страни – име ерга омнес и уставни промени. За овие два предуслова кои се клучни и главна препрека за решени и од кои Грција не отстапува не може да постои компромис, кажа синоќа познатиот режисер и поранешен директор на Фондацијата отворено општество Владимир Милчин.

– Прво Уставот е еднаш променет, во знак на добра волја, еве конструктивност, прво знамето е променето, па Уставот е променет – што треба уште? Ние сме како помирливи, ај да се потсетиме кои се инструментите кои што Грција ги употребила? Вето и ембарго. И сега сме толку блиски пријатели- врз база на што? Денес портпаролот на грчката Влада вели, Грција веќе направила отстапки, неколку отстапки вели. И јас сега се чудам, да пробам да ги најдам. Не можам да најдам неколку отстапки, нема, прокоментира Милчин

Вчерашната средба меѓу шефовите на дипломатиите на Македонија и Грција со медијаторот се очекуваше да биде клучна- дали ќе има набргу решение за спорот со името или не. Досега средбите на министерско ниво остана само на желба за договор – допрва ќе се види дали ќе има помирување на цврстите ставови и решение за името.

Извор: Алфа

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.