Ѕанакопулос: Ние поминавме пола мост за името, на ред е другата страна

– Ние ја изминавме половината од патот по мостот. Сега е потребно спротивната страна да го измине преостанатиот дел, изјави портпаролот на грчката Влада, Димитрис Ѕанакопулос, за актуелнaта состојба во разговорите за разликата за името со Македонија.

За време на неделниот брифинг тој зборуваше за преговорите за надминување на 25-годишниот проблем на Атина со Скопје, истакнувајќи дека грчката страна отворено ги поставила условите „ПЈРМ да има соодветно име што ќе го употребува и во земјата и надвор од неа, односно ерга омнес“.

Гласноговорникот на кабинетот на Алексис Ципрас ја нагласи и потребата од „измени во одредбите на Уставот што содржат претензии кон територии од минатото“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.