20 – годишниот Дилан има неверојатна среќа: За три години преживел напади од ајкула, мечка и смртоносна змија (фото)

20 годишниот Дилан Меквилијамс од Колорадо, имал неверојатна среќа во последниве три години и тоа во три различни ситуации во кои животот му доведен во опасност. Тој преживеал напади од смртоносни предатори – мечка, ајкула и змија.

Овој авантурист последната смртоносна средба ја доживеал на Хаваите, кога го нападнала ајкула додека сурфал.

– Беше лудо. Изгледа дека немам многу среќа, но имам среќа во несреќа, раскажува Дилан за Би-Би-Си.

Уживал во брановите на Пацифичкиот океан, кога почувствувал дека нешто го гризнало за нога.

– Видов ајкула под мене. Почнав да ја удирам, ја удрив еднаш и почнав брзо да пливам кон брегот.

Дилан раскажува дека навистина ги загрижил своите родители кои се противат на неговиот животен стил. Ова 20 годишно момче патува низ Америка и Канада носејќи го со себе само својот ранец, а своите патувања ги финансира со своите необични професии, како што е „инструктор за преживување“.

Во јули, пак минатата година додека кампувал го нападнала мечка.

– Мечката ме дофати за темето на главата, а јас ја бодев во лицето додека не ме пушти, раскажува Дилан кој завршил со девет конци на главата.

– Само бев на погрешно место во погрешно време. Не ја обвинувам ниту мечката, ниту ајкулата, ниту змијата, вели Меквилијамс кој бил нападнат од смртоносна змија во американската сојузна држава Јута, а за среќа и ја преживеал и таа незгода.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.