Премиерот работно за 1 Мај – ќе менува министри и директори

Овој викенд завршуваат преговорите за новиот состав на Владата, а по празникот ќе се знаат точните министерски и директорски места, изјави премиерот Зоран Заев.

-Течат разговорите и преговорите и се надевам дека овој викенд ќе ги завршиме. По празникот ќе ги презентирам новите министри, а пота ќе бидат извршени и смените на директорските места – рече Заев на денешната прес-конференција на која беше претставен планот за вработување.

Заев по најавата за проширување на владеачкото мнозинство, за влез во Владата преговараат двете крила на Движењето Беса и ДПА на Мендух Тачи.

И Беса на Билал Касами и крилото на Африм Гаши веќе изјавија дека ќе бидат новите владини партнери на Заев. Досега само Тачи не се изјасни дали ДПА ја гледа на Илинденска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.