СЈО никако да дојде на ред во Собрание

Разгедувањето на Извештајот за шестмесечното работење на СЈО кој требаше денеска да биде претставен пред пратениците во Комисијата за политички систем и односи меѓу заедниците повторно се одложи.

Претседатеот на Комисијата за политички систем Александар Кирацовски рече дека наредната недела ќе биде закажана посебна седница на која на дневен ред ќе биде само извештајот на СЈО кој сега пристигнал во електронска верзија за да им се овозможи на пратениците да го разгедаат.

Во шестмесечниот период од септември 2017 до март годинава, според извештајот, Специјалното јавно обвинителство отворило 136 предистражни постапки, отворило седум нови истражни постапки, а целосно се одобрени 15 обвиненија.

Комисијата денеска ќе ги разгледува годишните извештаи на Народниот правобранител, на Дирекцијата за заштита на лични податоци, како и на Агенцијата за администрација.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.