Сончево време со температури до 30 Целзиусови степени

Времето денеска ќе биде сончево со мала до умерена облачност, информираат од Управата за хидрометеоролошки работи.

Оттаму додаваат дека попладне облачноста на места ќе се зголеми и ќе има услови за краткотраен локален дожд со ретки грмежи. Минималната температура ќе биде од 4 до 10, а највисоката дневна температура на воздухот ќе се движи во интервалот од 24 до 30 Целзиусови степени.

Во Скопје исто така ќе преовладува сончево време. Ќе дува и слаб до умерен ветер од јужен правец. Температурата ќе се движи од 9 до 28 степени.

Метеоролозите информираат дека периодот на релативно топло време ќе продолжи и во наредните денови, со можност во попладневните часови да дојде до делумно зголемување на облачноста со краткотраен локален дожд и ретки грмежи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.