Моторот не бил на Заев бил на фирма

Премиерот Зоран Заев не го ставил моторциклот кој го возеше вчера во Крушево во неговиот анкетен лист затоа што тој не е во негова лична сопственост туку е во сопственост на семејната компанија на Заеви, Тотал инжинеринг – открива во изјава за Лидер.мк, портпаролот на Владата Миле Бошњаковски.

-Моторциклот кој што го користеше претседателот на владата на Република Македонија Зоран Заев не е во негова лична сопственост и поради тоа не е наведен во неговиот анкетен лист. Возилото е во сопственост на семејната компанија Тотал инжинеринг и за него се платени сите давачки во согласност со законите и прописите во Република Македонија. – вели Бошњаковски во изјава за Лидер.

Во целиот случај интересно е што во регистерските таблици на моторциклот ги има иницијалите на премиерот, З.З.

Инаку, Тотал инженеринг е градежна компанија од Струмица која е во сопственост на братот на премиерот, Вице Заев.

Инаку премирот вчера возеше моторцикл БМВ, од моделот K 1600 GT/GTL Excl, кој од застапниците во Македонија се продава по цена од 29.990 евра и важи за еден од најскапите и најексклузивни моторцикли на пазарот.

Заев на мотор БМВ од 30.000 евра, се возеше низ Македонија (Фото)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.