Советот за безбедност на ОН ја отфрли руската резолуција за Сирија

Русија свика итен состанок на Советот за безбедност на ОН во врска со нападите што САД, Велика Британија и Франција ги извршија во саботата во Сирија, нарекувајќи го нападот „бесрамно непочитување на меѓународното право“.

Со дејствување без мандат од Советот за безбедност на ОН, САД и нивните сојузници ги прекршија нормите и принципите на меѓународното право и го поткопуваа авторитетот на Советот за безбедност на ОН, рече рускиот претставник во ОН, Василиј Небензиа, нарекувајќи ги нападите против Сирија „агресија против суверена држава“.

Во рускиот предлог се повикуваат САД и нивните сојузници „веднаш и без одлагање да ја прекинат агресијата врз Сириската Арапска Република“ и да се воздржат од понатамошни агресивни дејства во прекршувањето на меѓународното право и повелбата на ОН“.

Во документот се истакнува дека нападите „се случија во моментот кога тимот на мисијата за утврдување факти за забраната за хемиско оружје тукушто почнал да работи, да собира докази за наводна употреба на хемиско оружје во Дума“. Во него се повикува да им се обезбедат сите потребни услови за експертите на ОПХЗ правилно да ја завршат својата работа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.