Нико Ковач во следните три години ќе биде тренер на Баерн Минхен

Старо-новиот шампион на Германија беше во потрага на нов тренер со оглед на тоа дека Јуп Хајнкес е само привремено решение до крајот на сезоната. Томас Тухел беше нивна желба, но Германецот пред неколку недели ги извести дека веќе има најдено друг ангажман.

Германски Билд синоќа во доцните вечерни часови пренесе дека изборот сега паднал на Нико Ковач, и Баерн Минхен го потврди ова непосредно пред ждрепката за полуфиналето од Лигата на шампионите.

– Нико Ковач од сезоната 2018/19 ќе биде нов тренер на Баерн Минхен. Шампионот на Германија и 46 годишниот стратег постигнаа согласност за три годишен договор со трајност од 1. јули 2018 до 30. јуни 2021, гласеше соопштението.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.