Почина детето кое ќе се памети по реченицата до 911: „Испратете помош веднаш, речиси сум мртов“

16-годишно момче кое ја молело полицијата да го спаси од смртта поради преклопното седиште во комбето во коешто се наоѓал, почина, објави Би-Би-СИ.

Лежејќи заробен во неговото возило паркирано надвор од неговото училиште во Охајо, Кајл Плуш се јавил на 911 велејќи „Испратете службеници веднаш, речиси сум мртов”.

“Веројатно немам многу време, па кажи и на мајка ми дека ја сакам ако умрам”, рекол тој во вторникот попладне.

За надлежните ништо не е јасно. Тие соопштија дека ова е ненадејна смрт од “асфиксија предизвикана од компресија на гради”.

Полицијата соопшти дека не се работи за игра и ја исклучува употребата на дрога.

Детето прво се јавило на 911 во вторникот околу 15 часот по локално време за да каже дека е заробен во неговата кола Хонда Одисеја во паркингот на училиштето Seven Hills.

“Помогнете, помогнете, помогнете, очајно ми треба помош”, велело момчето, според аудио повикот што го објавија службеници за вонредни состојби.

Тој ја повикал полицијата неколкупати за да им каже дека “не се работи за шега”.

Локалните медиуми известуваат дека момчето очигледно не можело да го држи телефонот со рацете и на неколку пати се обидело да ги користи гласовните команди на Apple “Siri”.

Во еден момент операторот на 911 се обидувал да го добие момчето, но се уклучила само говорната пошта.

Тие не можеле да го лоцираат возилото на момчето, а пет часа подоцна неговиот татко успеал да го пронајде.

Но, момчето починало. Надлежните велат дека ќе се изборат до крај за да го истражат овој случај. Тие соопштија дека ќе направат детална истрага и за автомобилот и за исправноста како би се спречиле вакви трагични несреќи.

фактор.мк

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.