Манијак напаѓал жени во Карпош: На едната ѝ се слекол гол, другата ја испофаќал во влез

Две жени пријавиле вчера во полициската станива во Карпош дека биле нападнати од непознат маж. Првата пријава била заведена вчера утринавата во 11.30 часот.

42-годишна жена, со иницијали О.К.Л. пријавила дека непознат сторител излегол пред неа со спуштени панталони и се обидел и неа да ја соблече. О.К.Л. го истуркала од себе, по што сторителот побегнал во непознат правец. Настанот се случил на улицата „Волгоградска“.

Вториот таков случај бил пријавен во полициската станива во 13.40 часот. 24-годишната С.С. пријавила дека на истата улица во 13 часот, во влез од зграда, непознат сторител ја нападнал одзади и почнал да ја допира по градите и телото. Таа го турнала, по што тој избегал во непознат правец.

Од полицијата велат дека се преземаат мерки за пронаоѓање на сторителот и за целосно расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.