Фудбалерите на „Пелистер“ се затруле од салата полна со фекалии

Салатата која во саботата ја јаделе во велешкиот хотел била причина за труењето на фудбалерите на Пелистер. Во неа се најдени бактерии од фекално потекло, соопшти денеска Агенцијата за храна и ветеринарство.

– Со извршените лабораториски испитувања, утврдено е дека кај земените мостри храна (салати од морков, зелка и цвекло) има присуство на бактерии од фекално потекло – индикатор на фекална контаминација. Испитаните мостри согласно извршените лабораториски испитувања одговараат на микробиолошките критериуми за безбедност на храната, но не и на хигиената на производствениот процес, велат од АХВ.

Кај седум вработени во кујната и ресторанот биле пронајдени бактерии во нос и во грло. Сепак, директорот на агенцијата за храна и ветеринарство објаснува дека тоа не е причината за труењето. Тој проблемот го лоцира во бактеријата пронајдена во салатата, која најверојатно не била добро измиена во кујната.

– Во примарното производство, или производството на нива или е наводнувано, така е дојдено до фекално загадување на самата храна. Тоа значи дека во самиот хотел не се доволно измиени салатите кои ги употребувале, а не е од вработените. Заради предострожност, сите се упатени на лекување, изјави Зоран Атанасов од АХВ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.