Приведен Неготинец со екстази и марихуана

За време на празниците во Неготино бил приведено 27 годишно лице со екстази и марихуана, информира Верољуб Додевски, портпарол на СВР Велес.

Неготинецот бил лишен од слобода на 7 април поради основано сомнение за сторено кривично дело по член 215 од КЗ на РМ.

– При вршење на претрес на лицето пронајдени и одземени се 75 непознати таблети со триаголна форма во розова боја со лого „Мицубиши“ во парче од најлон кеса и најлон кеса со непозната растителна материја со зелена боја, појасни Додевски.

Лицето било задржано во ПС ОН Неготино се додека не заврши документирање и расветлување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.