Македонија му се извини на Калед ел Масри за киднапирањето во 2003 година

Министерот за надворешни работи, Никола Димитров официјално во името на Македонија му се извинил на германскиот државјанин со либанско потекло, Калед ел-Масри, за незаконското апсење во 2004 година во Скопје. Тој беше држен во изолација, а потоа и предаден ЦИА, во рамки на тајната програма на американската агенција за предавање и мачење, која беше усвоена по терористичките напади во САД на 11 септември 2001 година.

Во писмо испратено до Ел Масри, Димитров изразил „длабоко извинување и искрено жалење“ за несоодветното однесување на властите, како резултат на што претрпел „ неизмерливи и болни искуства, тешки физички и психички повреди и болки“, соопштија Отворено општество иницијатива за правда и Американското здружение за заштита на човековите слободи.

Во 2012-та година, македонската Влада плати отштета од 60.000 евра поради прекршување на Европската конвенција за човекови права.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.