Македонец избегал од српската полиција – цариниците вршеле претрес, а тој заминал во непознат правец

Околу половина килограм хероин и седум килограми тутун заплениле припадниците на српската царина, во соработка со гранична полиција, за време на контрола на две возила на граничниот премин Прешево, соопштуваат од Царинската управа.

Како што е соопштено, во автобус со нишки регистерски таблички, кој сообраќа на линијата Белград-Скопје, зад седиштетот со број 41 биле откриени машки чорапи во кои се наоѓал пакет обвиткан со леплива трака.

Откако го отворил, утврдено било дека во него има 472 грама хероин. Бидејќи никој од патниците не се изјаснил дека пакетот е во нивна припадност, со проверка на видео надзорот цариниците утврдиле дека хероинот му припаѓа на македонски државјанин кој самоволно го напуштил автобусот кога стигнал на ред за царинска контрола и се изгубил во непознат правец.

Сличен случај се случил истиот ден кога жител од Врање се враќал од Македонија, а се обидувал да превезе преку граница 7 килограми хероин.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.