Градoт во кој е забрането да се умре

Неодамнешната епидемија на антракс во Русија го потврди она што властите на норвешкото арктичко гратче Лонгир, го знаат многу одамна – дека смртта би требало да биде нелегална.

Бремените жени, исто така, се советуваат да се породуваат надвор од градот.

Гратчето со 2.100 жители, го донел овој необичен закон во 1950 година. Причината за тоа се крие во пермафростот, кој го спречува распаѓањето на телата во гробиштата. Тоа значи дека смртоносните вируси најверојатно „ќе преживеат“, а тоа, пак, претставува опасност за луѓето, но и за животните, објави интернет страницата WN.com.

Тоа, според написот, ја објаснува и епидемијата на антракс во Русија во 2016 година, кога топлотниот бран го одмрзна пермафростот (или т.н. замрзната почва), што беше последица на ширење на бактериската болест од мртов елен на други елени, при што угинаа повеќе од 2.300 единки.

Научниците, во лешеви на Алјаска и во Лонгир пронајдоа траги од шпанска треска, па денес смртно болните жители на оваа област одат на друго место да починат. А пак, телата на оние што „нема да го испочитуват законот“ се погребуваат во друг град.

Единствениот исклучок е кремацијата, која ги уништува или деактивира опасните вируси.

Инаку, Лонгир не е единствено место на светот што забрани умирање. Повеќе градови во Италија и Франција имаат сличен закон, но причината за тоа е пренатрупаноста на локалните гробишта.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.