Димитров и Коѕијас на работна вечера во Виена

Шефовите на македонската и на грчката дипломатија, разговорите во Виена, исто како и минатиот пат, ќе ги започнат со заедничка вечера во Виена во пресрет на утрешната средба со медијаторот Метју Нимиц.

Информацијата ја објавија грчките медиуми, а дипломатски извори од македонското МНР за МИА потврдуваат дека Никола Димитров и Никос Коѕијас денес ќе имаат работна вечера.

Како што јави дописничката на МИА од Атина, Никос Коѕијас во Виена ќе пристигне од Албанија, откако од Министерството за надворешни работи на Грција соопштија дека тој денеска ќе престојува во Тирана, каде што ќе се сретне со неговиот албански колега Дитмир Бушати. Разговорите на двајцата министри ќе се фокусираат на следните чекори во рамките на дијалогот за решавање на нерешените билатерални прашања.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.