Вучиќ размислувал да ја испрати армијата на Косово?

Српскиот претседател Александар Вучиќ денеска одговарајќи на новинарско прашање изјави дека ја разгледувал и опцијата да ја испрати армијата по повод последните настани на Косово.

„Моја уставна обрска е да го штитам интегритетот на Србија. Затоа ме избраа граѓаните. Не гледам што е толку спорно да разгледуваме. Не донесов одлука. Да донесов, ќе бевте запознаени. Тоа не може да се скрие. Но, дека разгледував таква опција – тоа е точно. Избрав трпеливост и зачувување на мирот. Секогаш таква опција ќе одберам доколку не е ситуација од која не може да се извлечете туку морате да барате употреба на армија“- изјави Вучиќ.

Тој вели дека негова обврска е секојпат кога постои кризна ситуација и кога народот е загрозен да ги разгледа сите опции.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.