„Интрига и љубов“ во Кумановскиот театар

Кумановскиот театар вечер од 20 часот ќе ја изведе претставата „Интрига и љубов“ од Фридрих Шилер во режија на Љупчо Ѓеорѓиевски. По повод Меѓународниот ден на театарот влезот за публиката ќе биде слободен.

Пред почетокот на претставата, актерката од Театар Куманово Александра Михајловска ќе ги прочита светската и македонската порака, која оваа година е напишана од актерот Сашко Коцев.
Претставата „Интрига и љубов“ премиерно беше изведена во јуни минатата година. Во актерската екипа се Нина Максимова, Марко Трајковиќ, Горан Илиќ, Кети Дончевска Илиќ, Александра Пешевска, Антонио Димитриевски, Мирослав Петковиќ, Јордан Витанов.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.