Почина Симеон Иванов Канго

Денеска, по тешко боледување на 67-годишна возраст почина македонскиот рок – музичар и гитарист, поет, сликар и основач на културното движење „Мактеон“ Симоеон Иванов Канго. Тажната вест на социјалните мрежи ја објави неговта фамилија.

Канго беше познат како македонски рок – музичар и гитарист, поет, сликар и основач на културното движење „Мактеон“ кое имаше за цел да ја промовира македонската нација, култура, јазик, земја, а особено античко-македонското наследство на денешниот македонски народ. Беше познат по својот необичен стил налик на стилот на легендарниот гитарист Џими Хендрикс, чиј гoлем почитувач беше и самиот Канго.

Симеон Иванов е роден во Кочани на 2 Ноември 1951 година, каде што го завршил основното и средното образование. Дипломирал на правниот факултет во Скопје. Со рокенрол музиката се занимава од раната младост, а во 2005 година го прослави 40-годишниот јублиеј од својата музичка кариера со концерт во Домот на АРМ во Скопје. Во неговата долга музичка кариера, свирел заедно со скоро сите музичари од неговиот град и земјата. Канго беше гитарист, текстописец, аранжер, композитор и продуцент на неговиот истоимен бенд, кој опфаќа гитара/вокал, бас гитара и тапани.

Над 20 години, Канго е и сопственик на училиште за рокенрол музика каде го предава своето искуство на помладите генерации. Автор е на 4 збирки поезија: „Воскреснување“ (1988), „Вознесување“ (1989), „Вдахновение“ (1990) и поемата „Распетие“ (1997). Има издадено 6 музички албуми: „Воскреснување“ (1991), „Вознесување“ (1994), „Реинкарнација“ (1995) албум со преработки на песни на легендарниот гитарист Џими Хендрикс во изведба на Канго, „Вдахновение“ (1996), „Проповеди“ (1997), „Проповеди“ (1998) кој е компилација од најдобрите песни на Канго по повод 35-годишнината од неговата кариера. Кон крајот на 2007 година излезе седмиот албум наречен „Откровение“. Покрај многуте свирки и концерти во Македонија, Канго има настапувано и во странство на Заечарската гитаријада во 1994 и 2001 година, има одржано концерти во Нови Сад и Белград 2004 и концерт во Виена во 2004 година.

Со своето движење „Мактеон“ има организирано повеќе македонски космополитски средби како и чествувања по повод раѓањето на големиот македонски цар Александар Македонски на локалитетот Горно Гратче, на планината Осогово, во близината на Кочани. Симеон Иванов – Канго е женет и татко на 3 деца.

Канго повеќе не истиот (ФОТО)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.