Коѕиас го информирал Ципрас: Има напредок, но останува разликата околу Уставот

Грчкиот министер за надворешни работи Никос Коѕиас вчера го информирал премиерот Алексис Ципрас за посетата на Македонија.

Државната агенција МИА пренесува грчки медиуми кои известуваат дека Атина смета оти разговорители поминале во добра клима и дека е постигнат напредок, меѓутоа и понатаму останува разликата во однос на македонскиот Устав, бидејќи „грчката страна не отстапува од барањето за уставна ревизија, не само во однос на името туку и во однос на иредентизмот“.

Инаку, средбата меѓу Ципрас и Коѕиас не била најавена ниту од премиерскиот кабинет, ниту од грчкото МНР.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.