Променливо облачно време со дожд и снег на планините

ремето во Македонија ќе биде променливо облачно, попладне и во ноќните часови со врнежи од дожд, на повисоките места од дожд и снег, на планините од снег. Пообилни врнежи ќе има во западните и јужните делови.

Утринската температура ќе се движи од минус пет до три степени, а дневната температура од нулата до 10 степени.

Во Скопје ќе биде променливо облачно, попладне и во ноќните часови со врнежи од дожд.

Утринската температура до нулата, а дневната температура ќе достигне до осум степени.

Утре почнувајќи од пладне ќе има врнежи од дожд, на повисоките места од дожд и снег, а на планините од снег. Врнежите ќе бидат пообилни во текот на ноќта, особено во југоисточните и западните делови (локално над 20л/м2), каде снежната покривка на планините значително ќе се зголеми.

Ќе дува умерен, вдолж Повардарието повремено засилен ветер од југоисточен правец. И во првите два дена од следната недела ќе се задржи променливо облачно време со локални врнежи од дожд, на планините од снег.

Дневните температури ќе бидат во благ пораст. Потоа следува период на стабилно и суво време со значителен пораст на дневната температура.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.