Огромна трагедија: Почина 5-годишното синче на славниот голман

-Мојот син Санти почина. Замина мирно и спокојно и ја исполни својата мисија во краткиот живот. Ви благодарам на сите на поддршката, напиша Кањизарес.

Шпанскиот голман Сантијаго Кањизарес кој во кариерата ги бранеше боите на Реал Мадрид и одигра над 300 натпревари за Валенсија, објави дека неговиот петгодишен син Сантијаго Џуниор починал денеска.

Веста ја објави неговиот татко на Твитер каде што напиша порака за збогум.

Емотивна порака до малиот Санти имаше и сопругата на Кањизарес, Мајте Гарсија.

-Моја љубов, мој живот, мој ангел. Секогаш ќе живеам и ќе дишам за тебе. Секогаш ќе бидеш дел од мене. Те сакам, напиша мајка му.

Кањизарес во јуни минатата година објави дека син му е тешко болен, а за жал спас не беше пронајден и малиот Санти почина.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.