Голем пресврт – снег и ниски температури, а викендов ново изненадување

Облачно со повремени врнежи од дожд претежно во јужните делови и со снег во северните делови ќе преовладува и денеска во Македонија.

Врнежите ќе бидат со слаб до умерен интензитет, а веќе во попладневните часови речиси насекаде во државата ќе врне снег. Ќе дува слаб до умерен ветер главно од северен правец.

Утринската температура ќе се движи од минус пет до три, а дневната од минус еден до осум степени.

Во Скопје врнежите ќе бидат од снег и ќе дува слаб до умерен ветер претежно од северен правец. Утринската температура ќе се спушти до минус еден, а дневната ќе достигне до три степени.

За време на викендот во утринските часови на повеќе места температурите ќе бидат под и околу нула.

Постепено затоплување со повремени врнежи од дожд ќе има од недела попладне.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.