Руските дипломати протерани од Велика Британија се враќаат во Москва

Во Москва денеска попладне се очекува да пристигнат 23-цата руски дипломати, кои беа протерани од Велика Британија поради спорот што настапа по труењето на поранешниот двоен шпион Сегеј Скрипал и неговата ќерка Јулија во англискиот град Солсбери, за што Лондон ја обвини Русија.

Русија возврати со иста мерка и нареди протерување на 23 британски дипломати, кои треба деновиве да ја напуштат Москва.

Русија ја негира вмешаноста во труењето со нервен гас на Скрипал и неговата ќерка, кои и натаму се во критична состојба.

ЕУ изрази солидарност со британската премиерка Тереза Меј и ја повика Москва „итно да се позанимава“ со барањето на Велика Британија во врска со програмата за нервниот гас „новичок“ со кој беше затруен Скрипал.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.