Поради премногу смеење завршила в болница

Обожавателка на комичарот Мајкл Мекинтаер завршила в болница во англискиот град Плимут поради силни болки за време на еден од неговите настапи.

Деветнаесет годишната Џесика Овен раскажала дека одеднаш почувствувала остра болка во градите и раката почнала да и трпне.

– Беше премногу страшно. Одлучивме да го напуштиме шоуто и веднаш да заминеме на лекар, објаснува Џесика.

По направеното ЕКГ лекарите дошле до необична дијагноза за ситуацијата на девојката, а тоа е воспаление на градниот кош поради премногу смеење.

– Кога им кажав на лекарите каде бев, тие рекоа дека е очевидно што се случило и оти премногу сум се смеела, додава Џесика.

Таа потоа му пишала на комичарот на Фејсбук, а за возврат добила покана за некој од неговите настапи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.