Трамп го возвраќа ударот: Ја тужи порно актерката и бара 20 милиони долари оштета

Адвокатите на актуелниот претседател на САД, Доналд Трамп, поднесоа тужба против порно ѕвездата Сторми Даниелс поради прекршување на договорот од 2016 година и бараат обештетување од 20 милиони долари.

Адвокатите тврдат дека Сторми го прекршила договорот најмалку 20 пати. Актерката тврди дека имала афера со Трамп што почнала во 2006 година и траела неколку месеци.

Адвокатот на Трамп, Мајкл Коен, рече дека ѝ платил 130.000 долари негови пари за да молчи.

Ова е прв пат Трамп да биде директно вклучен во случајот. Тој „категорично ги негира“ тврдењата дека имал афера со Сторми.

Адвокатот на Сторми, чие вистинско име е Стефани Клифорд, месецов поднесе тужба за поништување на договорот со кој таа се обврзала да не зборува во јавноста за нивната врска. Тие тврдат дека договорот е невалиден бидејќи Трамп не го потпишал. Дополнително, тврдат дека противтужбата од страна на адвокатскиот тим на Трамп е „само уште една тактика за заплашување“ на актерката.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.