Хаос во Билбао по елиминацијата од Лига Европа, повредени двајца редари

По нередите што пред дваесетина дена ги предизвика хулиганите на Спартак Москва кога гостуваа во Шпанија, во Билбао синоќа повторно се случи хаос на улиците и на стадионот „Сан Мамес“.

Пред и по завршувањето на осмина-финалниот реванш во Лига Европа помеѓу Атлетик Билбао и Олимпик Марсеј, дивееле хулиганите на тимот од Марсеј.

Најлошо минале двајца редари и едно девојче. Еден од редарите на возраст од 57 години бил хоспитализиран со полесни повреди на вратот, а неговиот колега бил ранет во раката.

Ултрасите на Олимпик Марсеј важат за едни од најекстремните во Франција, тие успеале хаосот што го предизвикале на градските улици да го пренесат и на стадионот. Хулиганите фрлале разни предмети и факели на трибината под себе, а еден факел погодил и повредил едно девојче.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.