Во Скопје „пајакот“ вчера кренал 70 автомобили, казнети 23 пешаци

Три лица се здобиле со полесни повреди во три од вкупно седум сообраќајки случени во текот на изминатиот ден на подрачјето на СВР Скопје, а во четири била причинета материјална штета.

Од МВР информираат дека вчера сообраќајната полиција открила и санкционирала поголем број прекршоци. Дваесет и осум возачи се движеле со брзина поголема од дозволената и еден возач кој не дал првенство на минување на пешаци. Санкционирани биле и 23 пешаци кои поминале коловоз вон пешачки премин.

Од сообраќај биле исклучени двајца возачи кои возеле под дејство на алкохол, 14 возачи пред да се стекнат со право на управување на моторно возило и тројца возачи почетници, како и 11 нерегистрирани возила и едно возило за претовар. Затекнати биле 112 непрописно паркирани возила.

Со помош на специјалното возило „пајак“, отстранети биле 70 возила.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.