Ако сте уморни или болни додека управувате со автомобилот ќе платите 250 евра казна

Ако досега мислевте дека во Македонија полицијата казнува за се и сешто, ќе сфатите дека баш и не е така откако ќе ги погледнете казните во Хрватска, на пример.

– Ако сте уморни или болни додека управувате со автомобилот (како ли полицаецот ќе го утрди тоа) ќе платите 250 евра казна.

– Ако возите со кал на гумите ќе платите околу 150 евра казна (добро, слична казна има и кај нас).

– Ако оставите отворен прозор од автомобилот откако излезете од него, ќе платите 20 евра казна, а исто толку ќе ве чини ако ги оставите клучевите во автомобилот и излезете од него или го напуштите а го оставите моторот да работи.

– Хрватите плаќаат казна од 20 евра ако излезат од автомобилот додека тој е во движење или ако ја отворат вратата додека се движат а казна од 75 евра се плаќа ако возите човек во камп приколка.
Затоа ако планирате зимава да заминете во Хрватска на одмор, имајте ги овие казни во предвид.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.