Набргу ќе одиме на Марс, а во вселената ќе може да се војува

Можеби еден ден ќе има американски вселенски сили што ќе се борат рамо до рамо со авијацијата, копнените сили и другите родови на армијата.

Ова го изјави американскиот претседател Доналд Трамп најавувајќи го заминувањето на луѓето на Марс како нешто што ќе се случи многу бргу, притоа нагласувајќи дека тоа воопшто не би се случило доколку Хилари Клинтон победела на претседателските избори во 2016 година.

Новинските агенции пренесуваат дека Трамп при обраќањето пред маринците и другите војници во воздухопловната база „Мирамар“ во Сан Диего говорел за вложувањата на неговата администрација во истражувањата на вселената велејќи дека универзумот станал област во која е возможно да се војува.

Се надува дека Трамп рекол оти идејата за вселенските сили започнала како спонтан коментар, но тој одлучил дека е одлична идеја.

„Набргу ќе одиме на Марс. Не би отишле на Марс доколку победеше мојата ривалка (Хилари Клинтон), дозволете ми да го кажам тоа. Во таков случај за оваа идеја немаше воопшто ни да се размислува“, изјавил американскиот претседател.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.