Српската естрада на удар на крадци: По Саша Поповиќ, ограбен е Синан Сакиќ (видео)

Непознати мажи провалиле во домот на синот на Синан Сакиќ.Сабина Сакиќ, сопругата на пејачот ја сподели снимката на која се гледа како мажи ја обиваат куќата на Елвис Сакиќ.

Сабина ги замоли пријателите да јават доколку ги познаваат мажите од снимката која го ограбиле нејзиниот син.

-Би ги замолила пријателите ако ги препознаете овие типови да ни ги кажете имињата. Му ја обија куќата на Елвис и го ограбија, напиша жената на Синан во описот на снимката која ја сподели на својот Фејсбук профил.

Сопругата на Синан Сакиќ за српски Курир изјави дека полицијата врши увид и дека уште точно не се знае што однеле крадците.

Елвис Сакиќ откри дека му се познати фаците од снимката, но за среќа крадците не однеле вредни работи.

-Однесоа десетина празни шишенца од парфем и неколку полни. Неколку чанти, часовници, ми ја превртеа целата куќа, но за среќа не однесоа вредни работи, рече Елвис.

Сакиќ додава дека пријатели му јавиле дека сијалиците на бандерата пред куќата биле скршени, па се сомнева дека грабежот е планиран претходните денови.

Да потестиме, пред два дена е ограбена и вилата на директорот на Гранд продукција Саша Поповиќ, од каде крадците однеле сеф со важна документација и часовници во вредност од 100.000 евра.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.