Обама преговара да стане продуцент на Нетфликс

Поранешниот претседател на САД, Барак Обама, преговара со Нетфликс да продуцира високо-буџетна серија, објави „Њујорк тајмс“.

Изданието, цитирајќи луѓе запознаени со „разговорите во напредната фаза„, пишува дека „според услови на предложен договор, кој се уште не е финален, Нетфликс ќе им плати на Обама и неговата сопруга Мишел за екслузивна содржина што ќе биде достапна само на стриминг сервисот, којшто има околу 118 милиони претплатници низ светот“.

Бројот на епизоди и форматот на серијата не се дефинирани. Не се соопштува ниту колку хонорар би зеле Барак и Мишел Обама како продуценти, а наводно, се разговарало за работа на инспиративни теми.

Се шпекулира дека Обама би можел да продуцира серија на теми што доминираа во текот на неговиот мандат, како здравствена грижа, правото на глас, имиграцијата, надворешната политика и климатските промени или теми за кои е заинтересирана Мишел, како нутриционизмот.

Инаку поранешната претседателска двојка на САД работи и на своите мемоари, за кои, според некои извештаи, добиле 60 милиони долари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.