Планинар загинал лизгајќи се на мраз, брат му починал од инфаркт кога го видел

Двајца браќа смртно настрадале во саботата вечерта во близина на планинарскиот дом на хрватската планина Мосор. Станува збор за браќа на возраст од 57 и 60 години.

Двајцата престојувале на планинарскиот дом. Едниот од нив излегол по вода, се лизнал на мраз, удрил со главата и починал на лице место. Остатокот од групата бил во домот, па им било необично зошто не се враќа. Излегле да го побараат и кога го пронашле мртов, другиот брат доживеал срцев удар, пренесуваат хрватските медиуми повикувајќи се на хрватската полиција.

Се обидувале да го реанимираат, но било залудно.

Припадници на Хрватска шумска служба за спасување пристигнале на лице место за да помогнат во транспортот на настраданите.

Според полициските информации, трагедијата се случила во саботата околу 19:30 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.