Четириесетгодишна жена почината поради компликации предизвикани од мали сипаници, соопшти Инстутот за јавно здравје во Србија. Болеста е лабораториски потврдена. Жената добила воспаление на белите дробови.
Ова е седма жртва во Србија која починала поради компликации од мали сипаници.
Од октомври минатата година заклучно со петти март, во Србија се регистрирани вкупно 3.123 случаи на мали сипаници. Од вкупниот број, 33 отсто биле хоспитализирани. Од тешките компликации на малите сипаници е регистрирано воспаление на мозокот кај една пациентка и воспаление на белите дробови кај 292 пациенти.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
