Поплавени делови во Албанија, властите ги отворија вентилите на хидроцентралите на реката Дрим

Делови од северозападна Албанија се поплавени откако надлежните дозволија да бидат отворени вентилите на браните на трите хидроцентрали на каскадата на реката Дрим.

Како што јави дописникот на МИА, ваквата одлука е донесена со цел да се ослободи вишокот вода од акумулациите за да се заштитат браните од пукање.

Албанското Министерство за одбрана потврди дека под вода се над илјада хектари земјиште и дека вонредни тимови се испраќаат за помош на поплавенте.

Трите хидроцентрали на каскадата на реката Дрим – Фиерза, која е втора по големина на Балканот, Коман и Вау те Дејес работат со максимален капацитет, поради преполните акумулаци по наглото топење на снегот и обилните дождови.

На патот до селото Обот во регионот на Скадар има над 30 сантметри вода, а два моста во ова подрачје се оштетени.

Според метереолозите, врнежите ќе продолжат и во наредните денови, поради што постои опасност од проширување на поплавените подрачја.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.