НУ Турски Театар на 8 март ќе ја изведе претставата ОТЕЛО од Вилијам ШЕКСПИР во режија на Дејан ПРОЈКОВСКИ на на 5. Меѓународен Театарски Фестивал на Балканските Земји во Бурса, Р. Турција.
-Оваа режисерска експликација сакам да ја посветам на актерите и сите колеги позади сцената со кои ги создаваме нашите заеднички соништа. За актерите со кои се разбираме со поглед, со дишење , со отчукувањата на срцата….за актерите кои живеат за мигот , за она неразбирливото , за она што не се кажува со зборови , за оној свет во која што ако не веруваш неможе да постои. За Селпин, Џенап, Сузан, Осман, Зубејде, Неат…за актерите со кои ги градиме и создаваме соништата. Секое креирање на нова претстава со нив, само ми потврдува дека сеуште има актери кои посветено работат и живеат во име на театарот…во име на МИГОТ кој го создаваме…МИГОТ наречен театар. Токму затоа оваа режисерска експликација е за моите актери преку кои јас и вие драга публико ја слушаме ТИШИНАТА НА СЦЕНАТА, вели Дејан ПРОЈКОВСКИ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
