Заев и Мицкоски се договориле партиите да се финансираат од Буџетот

Партиите нема да се финансираат од донации од физички и правни лица туку од државниот буџет, од каде за оваа намена треба да се издвојат неколку милиони евра, согласно постигнатите изборни резултати. Ова го потврди премиерот Зоран Заев по вечерашната двочасовна средба со лидерот на ВМРО-ДПМНЕ, Христијан Мицкоски.

-Целта на финансирањето на политичките партии е измена која ќе ги направи буквално отпорни на политички влијанија, преку донациите, преку помагања од секаков вид. Ќе одиме на една ваква пресметка која ќе овозможи многу поголема независност на сите политички партии во РМ“, изјави премиерот.

-И членарините и донациите и останатите приходи како што се кредитите или други приходи треба да останат. Ги има секаде во светот. Но, иако останат тоа значи дека политичките партии сè помалку ќе ги употребуваат кога ќе имаат една ваква независност, вели Заев.

Минутажите за рекламирања кај медиумите може ќе опаднат, за да биде издржливо во согласност со буџетот, изјави премиерот. Премиерот рече дека очекува за ова решение консензус и од останатите политички партии и граѓаните.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.