Планинар загинал лизгајќи се на мраз, а неговиот брат доживеал срцев удар кога тоа го видел

Излегле да го побараат и кога го пронашле мртов, другиот брат доживеал срцев удар, пренесуваат хрватските медиуми повикувајќи се на хрватската полиција.

Двајца браќа смртно настрадале вчера вечерта во близина на планинарскиот дом на хрватската планина Мосор. Станува збор за браќа на возраст од 57 и 60 години.

Двајцата престојувале на планинарскиот дом. Едниот од нив излегол по вода, се лизнал на мраз, удрил со главата и починал на лице место. Остатокот од групата бил во домот, па им било необично зошто не се враќа.

Се обидувале да го реанимираат, но било залудно.

Припадници на Хрватска шумска служба за спасување пристигнале на лице место за да помогнат во транспортот на настраданите.

Според полициските информации, трагедијата се случила во саботата околу 19:30 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.