Познатиот фудбалер и капитен на Фиорентина почина во сон

Фудбалерот на Фиорентина, Давиде Астори починал утринава во хотел во Удине, објавуваат италијанските медиуми.

Капитенот на „виолетовите“ починал во сон. Тој не се разбудил утринава во хотелот во Удине во кој престојува целиот тим, во пресрет на натпреварот против Удинезе во Серија А.

Дуелот кој требаше да се игра од 15 часот многу веројатно ќе биде одложен. Астори имаше само 31 година. Првите фудбалски чекори ги направи во Милан, а потоа играше и за Калјари, Кремонезе и Рома.

Од 2015 година беше дел од Фиорентина.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.