Заев: Безусловна препорака во април, датум во јуни

Задоволен сум што во своите заклучоци, претседателот Јункер вети сериозна инфраструктурна поддршка за проекти што треба да ги поврзат земјите од Западниот Балкан меѓу себе и со целиот регион, рече премиерот Зоран Заев по работната средба меѓу лидерите на земјите-членки на Западен Балкан и претседателот на Европската комисија Жан Клод Јункер, високата претставничка за надворешна политика и безбедност на ЕУ Фредерика Могерини и еврокомесарот Јоханес Хан

Зборувавме за милијарди евра, пари кои се однесуваат и на коридорите и на севкупната поврзаност.

-Како премиер на Република Македонија сум среќен, заради тоа што навистина нашите перспективи во Европската унија се водилка и кон стабилноста, но и кон реформските процеси кои што се случуваат во Република Македонија. Се надевам дека ваквите сериозни позитивни пораки ќе овозможат дополнително охрабрување на институциите и на институционалната поставеност на Македонија, за да испорачаме завршеток на реформите во Македонија на еден суштествен начин. Правосудството е многу важно, медиумската сфера е многу важна, реформата на јавната администрација, исто така и реформите на тајните служби и Министерството за внатрешни работи, рече Заев.

Премиерот истакна дека Владата е посветена на оваа агенда и е убедена дека до Самитот за Западен Балкан, што ќе се одржи во мај во Софија, ќе можеме да се пофалиме со завршени резултати, како што и досега тоа го правиме во Република Македонија.

-Навистина, честа што оваа посета на Западен Балкан започна од Република Македонија, претставува и обврска исто така да се одржи континуитетот, да се биде буквално успешен во реформите, во очите на Европската унија, која што не проверува, не чекира и не потврдува, во делот на спроведувањето на реформите, рече тој.

Истовремено, нагласи Заев, постои чувство на одговорност да се сподели со граѓаните и со институциите дека навистина треба до крај да ги испорачаме реформите.

–Македонија има шанси, нашите очекувања се, во април да добиеме безусловна препорака, а во јуни да добиеме датум за отпочнување на преговорите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.