Скопје работи за вас, затоа што Вие тоа го заслужувате!

„Скопје работи за вас, затоа што Вие тоа го заслужувате!“ е насловот на фотоалбумот кој го објави Град Скопје на својот официјален профил на фејсбук и на кој се пофали дека после два дена од врнежите од снег Градот е исчистен од снежните наноси.

Во објвата на фејсбук од градот потсетија дека екипите на зимската служба на Град Скопје ги исчистиле сите булевари и улици што се во надлежност на Градот Скопје и тоа денеска, кога цел ден е сончево и снегот се топи сам.

Службите потсетија дека чистењето на булеварите и поголемите градски улици се во надлежност на Град Скопје, а преостанатите улици се во надлежност на општините и тие се задолжени за нивно чистење и одржување.

Вчера состојбата во градот беше друга. Движењето по булеварите и поважните улици каде што има поголем сообрааќај беше отежнато, бидејќи дел од улиците и булеварите не беа исчистени. Тешко се движеа и пешаците и автомобилите, но и велосипедистите.

Подолу погледнете галерија од вчерашната состојба на улиците. Градот Скопје и граѓаните заслужија порано да бидат исчистени улиците. Градот Скопје им должи безбедни улици на своите граѓани. А на сонцето, му благодариме што му ја заврпши работата на Градот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.