Во Москва минус 20 степени, во Рим паѓа снег – училиштата не работат (Фото)

Во Москва ноќеска температурата падна под 20 степени, што е најстудена ноќ оваа зима, соопшти руската метеоролошка служба.

Според руските метеоролози, ниските темпертури во земјата ќе продолжат и на почетокот на следниот месец.

Иако Рим поради медитеранската клима има најчесто умерени зими, деновиве како резултат на арктичкиот бран која мина низ Европа, италијанскиот главен град е погоден од обилни снежни врнежи и ниски температури.

Градоначалничката на Рим, Вирџинија Раџи синоќа донесе одлука од денекса сите државни училишта да останат затворени. Таа одлука ја прифатија и многу приватни образовни институции.

Училиштата се затворени и во северните и централните делови на Италија, а во многу делови на земјата сообраќајот се одвива отежнато.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.